Kryeministri Edi Rama në një komunikim për mediat, ka bërë me dije se një çështje kryesore ku do të punohet është edhe shtrëngimi i skemës së sigurimeve, me qëllim që të gjithë të kontribuojnë.
“Të shtrëngojmë skemën e sigurimeve, që të kontribuojnë të gjithë, jo që një pjesë të fsheh paranë që t’i shmangen taksave dhe kontributeve shoqërore” – tha Rama.
Kjo vjen edhe pas skandalit të publikimit të pagave, ku u vu re se një pjese e mirë nuk kishin deklaruar pagën e plotë të punonjësve të tyre.
Ndërkohë më tej ai ka thënë se ka edhe një zgjidhje për problemin e pagave që deklarohen në minimumin e tyre, ndërkohë që nuk e marrin të plotë.
“Ai që denoncon se merr pagën minimale, ndërkohë që duhet ta marrë të plotë, do t’i jepet garanci financiare, që nëse humbet vendin e punës për shkak të denoncimit, do të marrë dëmshpërblim financiar. Nëse kjo është që të bëhet, ky është mendimi i shumicës, që një pjesë e taksave të tyre të përdoret për të bërë drejtësi” – tha Rama.
Me moton Rama prezantoi formularin e Këshillit të Parë Publik. Ai tha se bëhet fjalë për një sërë pyetjesh, të cilat kanë si qëllim dëgjimin e thellë të njerëzve.
“Çdo qytetar mbi 18 vjeç, do të plotësojë formulari, për të na ndihmuar të zgjidhim këto tema. Nuk është proces zgjedhor. Ideja është që këta formularë është që të plotësohet kryesisht nga njerëzit e moshuar dhe më të rinjtë, ta mbushin online apo në pikat kudo të hapet këshillimi kombëtar. Do të jetë një proces dëgjim, që shkon përtej shumicës politike. Bëhet fjalë për një sërë pyetjesh, qëllimi dhe njësia e fortë e jona është që duam që përgjigja e këtyre pyetjeve të jetë dëgjimi më i thellë i njerëzve. Nuk është e detyrueshme” – tha ai.
Discussion about this post