Pak ditë pasi dha dorëheqjen, telefoni i ish-kryeministres së Britanisë së Madhe Liz Truss ka rënë pre e sulmit të hakerave. Për pasojë, ata kanë fituar akses në informacione tepër sekrete. Dyshohet se pas sulmit qendrojnë hakerat të cilët punojnë për presidentin e Rusisë Vladimir Putin.
Hakimi u zbulua gjatë fushatës verore të lidershipit konservator, kur zonja Truss ishte Sekretare e Jashtme.
Mesazhet që ranë në duart ruse përfshinin diskutime për Ukrainën me zyrtarë të huaj.
Detaje të dërgesave jetike të armëve në vendin e shkatërruar nga lufta ishin midis mesazheve.
Diskutimet midis zonjës Truss dhe ish-kancelarit Kësi Këarteng dolën gjithashtu në dritë.
Zonja Truss ishte aq e shqetësuar për shkeljen e sigurisë sa nuk mund të flinte.
Ajo kishte frikë se lajmi i hakimit do të “shkatërronte” mundësinë e saj për t’u bërë kryeministre.
Ngjarja besohet të jetë arsyeja që ish-kryeministrja ka ndryshuar numrin e celularit përpara se të hynte në numrin 10.
Telefoni tani besohet se është mbyllur në një vend sekret qeveritar për të zvogëluar mundësinë e shkeljeve të mëtejshme.
Shkelja mund ta lërë qeverinë britanike në rrezik shantazhi.
Zëdhënësi i Qeverisë së Mbretërisë së Bashkuar tha: “Ne nuk komentojmë marrëveshjet e sigurisë së individëve.”
“Qeveria ka sisteme të fuqishme për t’u mbrojtur nga kërcënimet kibernetike.
“Kjo përfshin informime të rregullta të sigurisë për ministrat dhe këshilla për mbrojtjen e të dhënave të tyre personale dhe zbutjen e kërcënimeve kibernetike.”
Discussion about this post