Skuadra e Totenham emëroi trajnerin Antonio Konte në krye të pankinës. Trajneri italian firmosi me londinezët deri në vitin 2023 ku do të përfitojë plot 15 mln euro në sezon. Më herët Konte refuzoi Totenhamin por pas shkarkimit të Santos vendosi të merrte drejtimin e ekipit. Drejtori sportiv i skuadrës angleze, Fabio Paratiçi është optimist se Konte do të sjellë trofe tek Totenham.
“Historia e Contes flet vet, me një eksperiencë të madhe dhe trofe të fituar në Itali dhe në Angli. I njoh shumë mirë kualitetet të cilat Antonio mund t’i sjellë te ne, kam punuar me të te Juventusi, dhe mezi pres që të punojë me të këtu”, ka thënë Paratici.
