Partizani plotësohet para Teutës, Colellën e gëzojnë rikthimi i dy lojtarëve

Partizani do të masë forcat me Teutën ditën e premte në “Niko Dovana”, ndeshje e cila është e vlefshme për javën e 9-të të “Abissnet Superiore”.

Të kuqtë kanë zbritur dje në fushë me grupin e plotë. Bruno Telushi dhe Maguete ishin të pranishëm në këtë seancë stërvitore.

Mesfushori vlonjat mungonte prej derbit me Tiranën për shkak të problemeve fizike. Ndërsa afrikani nuk kishte pranuar të stërvitej me ekipin e parë prej pretendimeve për një vend titullari në formacionin kryesor. Të gjithë lojtarët janë vënë nën urdhrat e trajnerit Giovani Colella, mes një klime pozitive.

Sakaq në Durrës do të rikthehet edhe Arinaldo Rrapaj, i cili kundër Kastriotit mungoi prej kartonëve të verdhë.