Partizani-Vllaznia është ndeshja që merr vëmendjen sot. Ky duel luhet për llogari të gjysmëfinaleve të Kupës së Shqipërisë, pas asaj mes Teutës dhe Laçit që u zhvillua dje dhe u fitua nga kurbinasit.
“Demat” synojnë kupat e Europës dhe fitimi i këtij trofeu e garanton këtë objektiv, ndaj sot në “Elbasan Arena” prej orës 17:45 do të bëjnë maksimumin për të fituar ndaj shkodranëve.
Trajneri Mehmeti nuk do të ketë të gatshëm Rrapajn të dëmtuar, ndërsa mbetet të shihet nëse luajnë dot nga fillimi Cara e Marku që ishin me Shqipërinë U21.
PARTIZANI: Hadroj, Belica, Bitri, Sota, Murataj, Matondo, Mala, Kallaku, Skuka, Stenio Junior.
Nga ana tjetër Vllaznia ka mungesë të sigurt kapitenin Erdenis Gurishta, i cili ende nuk është rikuperuar plotësisht. Shkodranët janë fituesit në fuqi të këtij trofeu dhe duan finalen sërish, sikurse edhe Partizani.
VLLAZNIA: Zogovic, Adili, Diagne, Bulatovic, Kruja, Krymi, Jonuzi, Hakaj, Da Silva, Latifi, Djurdjevic
Discussion about this post