Një anije robotike autonome është krijimtaria më e fundit e shkencës.Shkencëtarë nga MIT CSAIL në bashkëpunim me shkencëtarë nga Senseable City Laboratory dhe Institutin AMS të Amsterdamit punuan sëbashku për të krijuar anijen e parë robotike autonome.
Flota e anijes robotike është vënë në funksion këtë të enjte nëpër kanalet e Amsterdamit, duke transportuar pasagjer pa pasur asnjë kapiten në të.
Ky krijim i shkencës vjen pas një pune 6-vjeçare dhe është emërtuar Roboat III.
Ky version final i anijes mund të transportojë deri në 5 pasagjerë, apo 1.500 kilogramë peshë, që do të thotë se mund të transportoj mallra. Atë e vë në lëvizje motori elektrik, e bateritë qëndrojnë deri në 10 orë dhe mund të mbushen me mbushës pa tela.
Anija është e pajisur me sensorë në mënyrë që të mos përplaset kur i afrohet portit, si dhe është e pajisur gjithashtu me kamera që i mundëson shikim prej 360 shkallë.
Roboat është dizajnuar të jetë plotësisht autonom, por operatorët nga qendra e kontrollit në brigje megjithatë kujdesen që gjithçka të shkoj siç është më së miri.
“Roboat mund të kryej detyrat 24/7 pa kapiten, duke i sjellë vlerë të madhe qytetit. Megjithatë për arsye sigurie shtrohet pyetje nëse arritja e autonomisë e nivelit A është e mundur. Sikurse rojet e urave, operatorët do të përcjellin anijen Robotat nga distanca nga qendra e kontrollit. Një person mund të përcjell mbi 50 anije për t’u siguruar që gjithçka do të shkojë mirë”, ka thënë Fabio Duarte, kreu i ekipit të shkencëtarëve të këtij projekti.
