Këtë të dielë do të zhvillohet mbrëmja e madhe ndarjes së çmimeve evropiane të muzikës, MTV Europe Music Awards. Ajo çfarë e karakterizon eventin e rëndësishëm sivjet është pjesëmarrja e shumtë e shqiptarëve në edicionin e sivjetmë të këtij eventi.
Çfarë e bën të veçantë këtë edicion është se pjesëmarrës do të jenë shumë shqiptarë, moderatorja do të jetë Rita Ora, e cila do të prezantojë MTV EMA në krahët e bashkëshortit të saj, Taika Waititi.
Këngëtaret shqiptare, Bebe Rexha dhe Ava Max do të performojnë disa këngë, ndërsa Dua Lipa është e nominuar së bashku me to për çmimin “Bashkëpunimi më i mirë”.
Lexo edhe Për herë të parë, tre artiste shqiptare nominohen për të njëjtin çmim në MTV
Nga ana tjetër, për të katërtën herë radhazi, në kategorinë “Artisti/ja më i/e mirë në Zvicër” është nominuar rep-artistja, Loredana. Mesa duket ky edicion do të mbahet mend për popullin tonë, sepse me siguri në një moment do të flitet edhe gjuha jonë shqipe. Deri atëherë nuk na mbetet veçse të presim.
MTV Europe Music Awards ndan çdo vit edhe çmimet për artistët më të suksesshëm të Europës.
Discussion about this post