Pas takimit që zhvilloi me ish Presidentin Alfred Moisiu, Presidenti i zgjedhur i Shqipërisë, Bajram Begaj zhvillon sot një tjetër takim me paraardhësit e tij.
Mësohet se Begaj do të takohet sot me ish Presidentët Bamir Topi dhe Rexhep Meidani, të cilët do ti tregojnë eksperiencën e tyre në institucionin e kreut të shtetit.
Nga votimi në Kuvendin e Shqipërisë, Begaj mori 78 vota pro dhe 4 vota kundër dhe një abstenim ndërsa i duheshin vetëm 71 për të zëvendësuar Ilir Metën. Në procesin e votimit morën pjesë 83 deputetë, nga të cilët 74 ishin nga mazhoranca. Nga opozita votuan Mesila Doda, Shpetim Idrizi, Nusret Avdullai, Monika Kryemadhi, Petrit Vasili, Erisa Xhixho ndërsa në votime morën pjesë edhe tre deputetë të PSD.
Kreu i PD-së, Sali Berisha së bashku me grupin e deputetëve demokratë bojkotoi procesin e votimit të zgjedhjes së presidentit me arsyetimin se një ushtarak në detyrë nuk mund të mbajë funksione të tjera sipas nenit 167 të Kushtetutës.
Discussion about this post