Pas ‘SKY’ dhe ‘Encrochat’, Europol zbërthen një tjetër aplikacion: Përdorej nga krimi i organizuar

Një lajm i ardhur nga Europa ka tronditur sërish krimin e organizuar. Pas zbërthimit të Sky ECc, Encrochat, Exclu dhe Ghost, Europol ka njoftuar se ka zbërthyer mesazhet e një tjetër serveri të encriptuar që quajtur “Matrix”.

Një operacion i përbashkët i Francës, Holandës, Gjermanisë, Italisë, Lituanisë dhe Spanjës ka çuar në zbërthimin e platformës “Matrix”. Europol ka njoftuar përfundimin e këtij operacioni të suksesshëm që ka çuar në deshifrimin e më shumë se 2.3 milionë mesazheve, në 33 gjuhë.

“Bashkëpunimi ndërmjet autoriteteve holandeze dhe franceze filloi nëpërmjet një EPH të ngritur në Eurojust. Duke përdorur teknologji inovative, autoritetet mundën të përgjonin shërbimin e mesazheve dhe të monitoronin aktivitetin në shërbim për tre muaj. Më shumë se 2.3 milionë mesazhe në 33 gjuhë u përgjuan dhe u deshifruan gjatë hetimit”, thuhet në njoftimin e Europol.

Operacioni për zbërthimin e këtij aplikacioni mësohet se ka zgjatur rreth tre muaj. Europol njofton se aplikacioni përdorej nga grupet kriminale. Mesazhet e gjetura në këët aplikacion mësohet se datojnë nga viti 2021.

“MATRIX, një shërbim mesazhesh i bërë nga kriminelët për kriminelët, u zbulua për herë të parë nga autoritetet holandeze në telefonin e një krimineli të dënuar për vrasjen e një gazetari holandez në vitin 2021. Një hetim në shkallë të gjerë për shërbimin e mesazheve filloi”, thuhet në njoftim.

Aplikacioni Matrix, mendohej se ishte më i sigurte se të gjitha aplikacionet e mëparshme dhe mësohet se kishte mbi 40 servera të shpërndarë në Francë dhe Gjermani.

“Infrastruktura për të ekzekutuar MATRIX përbëhej nga më shumë se 40 serverë në disa vende me serverë të rëndësishëm që gjenden në Francë dhe Gjermani”, thuhet në njoftimin e Europol.

Aplikacioni raportohet se përdorej për trafikun e drogës, të armëve, pastrimin e parave dhe për vrasje.

“Mesazhet që u përgjuan lidhen me krime të rënda si trafiku ndërkombëtar i drogës, trafiku i armëve dhe pastrimi i parave”, thuhet në njoftim.

Sipas asaj që raporton Europol, një telefoni cili përmban aplikacionin “Matrix” kushtonte nga 1300-1600 euro, për vetëm 6 muaj abonim. Në total, janë regjistruar mbi 8 mijë llogari në këtë aplikacion.