Në këtë mandat, kryebashkiaku Erion Veliaj është marrë vetëm me prishjen e banesave të qytetarëve dhe ndërtimin e kullave. Kujtojmë se kur garoi për mandatin e parë, Veliaj premtoi se nuk do të ketë ndërtime kullash në Tiranë. Tani që po afrojnë zgjedhjet e radhës, Veliaj gjen sërish mënyrën që të shkojë “pranë” qytetarëve dhe t’iu kërkojë votën.
Me pak fjalë njëherë në katër vjet, kryen gjoja investime për nevojat e domosdoshme të qytetarëve. Rrugët në kryeqytet përveç se janë shumë të ngushta, të mbuluara nga plehrat janë dhe të amortizuara, janë kthyer në burim aksidentesh për shkak se nuk është vënë dorë prej kohësh.
Tani që na ndan vetëm një muaj nga zgjedhjet, kryebashkiaku po iu hedh nga një dorë asfalt rrugicave në lagjet e Tiranës. Tenderi më i fundit që ka zhvilluar është në 6 mars 2023. Pavarësisht se ka si objekt Rehabilitimi i rrugëve “5 Maji-Dibrës-Njazi Meka-Abedin Cici, katër rrugica ku janë bërë shumë shembje dhe janë lënë të pastrehë shumë qytetarë, Veliaj do të hedh 1.5 miliardë lekë. Në fakt. Prapa përkushtimit për qytetarët është shërbimi që u bën ndërtuesve të kullave në këtë zonë.
Kryebashkiaku e zgjidh qesen kur ka në plan që të lidh kontratë me miqtë e tij. Në dokumente shihet se tenderin e ka marrë pa garë firma “Shkëlqimi 07”, në pronësi të Shkëlqim Kapllanajt. Pas firmës qëndron vëllai i pronarit, ish-deputeti Agron Kapllanaj. Për këtë tender kanë shfaqur interes 19 firma, sepse është para e madhe! Gjithsesi Veliaj i ka skualifikuar të gjitha në fazën e parë, edhe pse 3 prej tyre kishin oferta më të lira se Kapllanaj. Dhe kështu, në fazën e dytë la në garë vetëm firmën e demokratit Agron Kapllanaj. Ky i fundit e ka nënshkruar kontratën pa garë fare, duke cenuar ligjin e konkurrencës. 
Lidhja Kapllanaj-“Rilindje”
Këtë tender Veliaj e ka zhvilluar pa garë, me çmim marramendës, duke ia ka dhënë një oligarku të njohur për përvetësimin e fondeve publike.
Shkëlqim Kapllanaj ka marrë shumë tenderë pa garë në saj të lidhjeve politike që ka vëllai. Madje ky i fundit ka arritur të sigurojë shumë kontrata edhe nga qeveria Rama, edhe pse politikisht janë kundërshtarë.
Kapllanaj është një nga personat më të akuzuar nga opozita për lidhjet me kryeministrin Edi Rama. Agron Kapllanaj është kandidati i parë i Lulzim Bashës që ka konfirmuar se do të jetë në garë për bashkinë e Mallakastrës në zgjedhjet e 14 majit.
Menjëherë pas konfirmimit të tij si kandidat, Sali Berisha e cilësoi ish-kryetarin e degës së PD-së në Mallakastër si të kapur nga Rama. Dhe kjo nuk ishte hera e parë që ish-kryeministri e artikulonte këtë akuzë. Sipas PD-së, shoqëria ‘Shkëlqimi 07’, ka marrë më shumë se mbi 6 milionë euro në vit nga ‘Rilindja’. Në fakt, të dhënat e Spendig Data tregojë miliarda lekë që i janë transaksionuar nga Thesari i Shtetit në 3 vitet e fundit
Lexo edhe: Fluturon Demo i Beratit/ I jep 400 mln lekë për asfalt ish-deputetit Kapllanaj
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post