Gjykata e Shkallës së Parë Lushnjë ka marrë vendimin për sekuestrimin e pasurive që i përkisnin Juli Pashakos që njihej ndryshe si kundërshtari i Alde Bares.
Ai ka qenë një nga personat e shoqëruar si të dyshuar për masakrën në Lushnjë, ku u ekzekutuan Jurgen Hoxha dhe Zamir Latifi, miq të Xhulio Shkurtit, nipit të Aldo Bares. Sula u vetëdorëzua në polici pas vrasjes së dy të rinjve por u lirua më pas për mungesë provash.
Personi në fjalë ishte i dyshuar për kryerjen e veprës penale pastrimi i produkteve të veprës penale ose veprimtarisë kriminale. Mësohet se nën hetim janë edhe pasuritë e I.S., për të cilin ka të dhëna të mjaftueshme se pasuritë e tij zotërohen në mënyrë të tërthortë nga Juli i Pashakos.
Konkretisht Gjykata ka vendosur sekuestrimin e shumës monetare prej 70 060 euro të depozituara në ruajtje në Bankën. Si dhe sekuestrimin e pasurisë së luajtshme automjet tip “Porsche Cayanne” me targa AA * *T.
Në zbatim të vendimit gjyqësor, është nxjerrë nga prokurori urdhri i ekzekutimit, i cili u është dërguar për ekzekutim shërbimeve të policisë gjyqësore të Drejtorisë Vendore të Policisë Fier, Agjencisë së Administrimit të Pasurive të Sekuestruara dhe të Konfiskuara pranë Ministrisë së Financave, Tiranë, bankës së nivelit të dytë “* Bank” dhe Drejtorisë Shërbimit të Transportit Rrugor.
