“PD është pastruar nga hija e së shkuarës”, Basha: Nesër do lexohen emrat e 5004 delegatëve

Lulzim Basha në një konferencë për shtyp që ka mbajtur pas mbledhjes me Kryesinë e PD ka dalë në një deklaratë për mediat.

Në fjalën e tij ai u shpreh se PD është pastruar nga hija e së shkuarës, ndërsa shton se qëllimi i PD është për të rikthyer normalitetin në vend.

Po ashtu, deklaroi se ditën e nesërme do publikohen emrat e 5004 delegatëve në Kuvendon e sotëm për efekt transparence.

“Kështu ka qenë, kështu do jetë edhe nesër, siç u bë e ditur nga Sekretariati identiteti i 5004 zonjave dhe zotërinjve. Nesër para çdo shqiptari do të hidhet poshtë çdo trillim, duke bërë transparent emrat e 5004 delegatëve që ishin të pranishëm” – tha Basha.