Ka nisur me debate mbledhja për Këshillin e Legjislacionit dhe Komisionin për Çështjet Ligjore, Administratën Publike dhe të Drejtat e Njeriut. Këto përplasje të shumta kanë bërë që opozita të largohet nga mbledhja
Sekretari i PD , Gazment Bardhi në fjalën e tij në këtë mbledhje tha se Vettingu nuk është çështje teknike, por një çështje thelbësore. Ai gjithashtu u shpreh se mbledhja po vijon të shtyhet duke mos i dhënë zgjidhje asnjë kërkese, pavarësisht ofrimit të bashkëpunimit nga PD. Ndërkohë Kryetarja e Komisionit, Lindita Nikolla propozoi që mbledhja të vijojë të ditën e premte. Por, sipas Bardhit kjo është e tepërt, madje ai ka akuzuar mazhorancën se po hedhin në erë dialogun politik.
“Po merremi me të njëjtën çështje, ne kemi të drejtën tonë të propozojmë kalendar dhe seanca dëgjimore dhe e kemi bërë. Ju lutem na jepni mundësinë ti miratojmë këto seanca dëgjimore, po hidhni në erë dialogun politik. Ju nuk mund të na thoni që tek iniciativa jonë do vini kur të duam ne dhe te iniciativa juaj do të vini po kur të thoni. Ne kemi propozuar një kalendar dhe po zgjatemi kot”, u shpreh ai. Ndërkohë edhe Alibeaj i revoltuar tha se, nuk ka pse të presim mbledhjen tjetër, po bën thirrje të mos demaskohen pozicionet politike që tani.
Discussion about this post