PD në dy kampe/ Këlliçi: Alibeaj provokonte Berishën dhe të tjerët dhe flet për bashkim

Deputeti i Partisë Demokratike, Belind Këlliçi ka folur për situatën në selinë blu, e cila vijon të jetë e ndarë në dy kampe.

Sipas tij tashmë çdo gjë është e qartë se kush është shumica dhe se procesi zgjedhor po normalizon situatën. Ai po ashtu ka treguar edhe detaje lidhur me incidentin Berisha-Alibeaj.

“Çdo ditë që kalon po shkon drejt normalizimit. Është një konflikt goxha i fortë. Fatmirësisht proceset e zgjedhjeve e zgjidhën këtë situatë duke shteruar debatin se kush është shumicë. Debati se kush është shumicë është shteruar edhe nga ata që nuk janë dakord. Ka ende kohë që të shkohet drejt normalizimit dhe bashkimit”, shprehet Këlliçi.

Këlliçi gjithashtu ka folur edhe për incidentin me Berishën, kur ky i fundit shtyu nga foltorja kryetarin aktual të komanduar të PD-së Enkelejd Alibeajt duke i marrë fjalën. Sipas tij, Alibeaj e ka provokuar Berishën që para një mbledhjeje që ishte zhvilluar me grupin e Rithemelimit.

“Një moment që pati një lloj shkëndije që në mëngjes. Ne kemi patur një mbledhje të Grupit ku Alibeaj provokonte Berishën dhe të tjerët dhe flet për bashkim ndërkohë që vijon të përjashtojë. Problemi është se Berishës i takonte e drejta e replikës. Vetëm respekti i moshës në radhë të parë, personi që të ka bërë ministër, vjen në foltore për të folur dhe Alibeaj e gejn  të pamundur për t’i dhënë kohë për të folur”, shprehet deputeti demokrat.