Kryetari i komanduar i Partisë Demokratike, Enkelejd Alibeaj foli pas takimit që pati me ish-kryeministrin Sali Berisha, ku tha se i ka thënë Berishës që PD në 30 vite nuk mund të mbrojë interesat e demokratëve duke pasur brenda saj aq më keq kryetar persona non grata. Ai u shpreh se i ka thënë Berishës që nuk mund të garojë, por që është refuzuar në mënyrë kategorike nga ish-kryeministri.
“Qëndrimi im ishte i tillë, PD ka lindur si një parti properëndimor dhe që ka përqafuar vlerat dhe orientimin amerikan. është vlerë e futur në ADN e të gjithë shqiptarëve, e mira është që të respektoni këto vlera. I thashë Berishës që PD në 30 vite nuk mund të mbrojë interesat e demokratëve duke pasur brenda saj duke pasur deputetë dhe aq më keq kryetar persona non grata. Interesi i demokratëve është i pari që të bashkohemi dhe të rrëzojmë regjimin komunist të Edi Ramës. Së dyti i thashë Berishës që nuk mundet të garojë. Ai më tha jo nuk e pranoj, pretendon se ka një shumicë, do të vazhdojë me veprimtarinë që ka organizuar që tregon se është sinjal që kjo nuk është shenjë për bashkim. Demokratët kanë në ADN që të kenë në krah SHBA në mënyrë që njerëzit e lirë. I them demokratëve dhe kolegëve, ndjesë. Vlerat dhe të mirat e PD” – tha Alibeaj.
Discussion about this post