Partia Demokratike ka reaguar në lidhje me kandidatin që koalicioni “Shtëpia e Lirisë’ i ish-kryeministrit Sali Berisha dhe LSI-së ka propozuar në Dibër.
Sipas selisë blu, Premtim Kryemadhi, është poshtërimi që Berisha iu bën demokratëve, pasi ky është bashkëshorti i Belina Zenelit, prokurores së dosjes “184” qe vetëm para disa ditësh u shkarkuar nga KLP për zvarritje të çështjeve.
“Kandidimi në Dibër i bashkëshortit të prokurores që mbrojti bandën e Edi Ramës, duke mos hetuar dosjen 184 të vjedhjes së zgjedhjeve në Dibër, është poshtërsi dhe tallje me dibranët dhe demokratët dibranë që masakrën zgjedhore e provuan të parët në 2016. Premtim Kryemadhin nuk e lidh asgjë me demokratët, por përzgjedhja e tij sqaron më së miri komunikimin privat të Flamur Nokës me Ulsi Manjën”, shkruan PD.
Selia blu shton ndër të tjera se nëse Zeneli do të hetonte dosjen “184”, Ulsi Manja do të ishte në burg dhe jo ministër i Drejtësisë.
Discussion about this post