Kozak Braçi, i cilësuar si “mbreti” i Instagramit u mor peng mbrëmjen e së enjtes nga disa persona. Dyshohet se autorët kanë lidhje me një tjetër personazh të njohur me Fabio Dushkun, i cili ndodhet në burg në Athinë. Konflikti virtual mes grupeve duket se është i hershëm, pasi rezulton se në dhjetor të vitit 2020 në një video online teksa dy të rinj bisedonin me njëri-tjetrin ofronin 5 mijë euro për të rrahur Kozak.
“M’i jep disa që t’u jap 5 mijë euro që të rrahin Kozak. Kur tha 5 mijë euro thash për çfarë, për të vra Kozak? Me të dhënë dy grushta dhe me të thyer një këmbë. Unë të kisha kap me sekonda, por nuk e bëja. Unë do të isha shofer në attentat”, thotë në video Klevioni një nga miqtë e Kozak.
Pjesë nga dialogu I publikuar në muajin dhjetor të vitit 2020:
Djali në video: A të kam fol unë ty në privat, të kisha hap luftë pra.
Kozak: Hë njëherë vazhdoje
Djali: Fabio i kishte thënë Arkimedit më ka mërzit Kozak, se ka dalë live me atë çunin dhe ai cuni e kishte sha te live i Kozak. Arkimedin e kanë marrë disa njerëz të ty, se ti je. Çfarë ishe ti?
Kozak: Nëpërkë
Djali: Ti nënvlerësoke Fabion
Kozak: Asnjëherë nuk duhen nënvlerësuar njerëzit ai që s’ta pret mendja ta bën të keqen. Unë stresin e kam Vlla
Djali: Ai të puth dhe pas tre ditëve pir problemi është se do të rrahi. Doli Arkimedi jashtë
Kozak: Mua nuk më gjuan Stresi.
Djali: Fola me Fabion, ishte i mërzit dhe më tha detaje, i thash nuk është Kozak. Ai më ka kap ngushtë dhe e dua dhe kam dëgjuar mirë për të dhe kam fol me net të gjëra dhe kam dëgjuar historitë e tij. për momentin hyn te gangot e burgjeve në të gjithë botën. Nuk gjen dot si Fabio, janë me koka.
Policia e Tiranës u sinjalizua mbrëmjen e 23 shtatorit për rrëmbimin e mundshëm të Kozak Braçi, i njohur edhe si “mbreti” i Instagramit. Forca të shumta policie mbërritën në zonën e Alliasit dhe kryen verifikimet.
Kanë qenë vetë familjarët e Kozak, të cilët kanë denoncuar në polici rrëmbimin e tij. Ndërkohë, menjëherë pas denoncimit dhe vënies së policisë në lëvizje, në rrjetin social “Tik Tok” po qarkullonte një video, ku Kozak shihet në një makinë me disa persona të tjerë, të cilët e godasin e shajnë dhe e detyrojnë të thotë fjalë banale.
Pas dyshimeve, policia ka bërë të mundur gjetjen dhe shoqërimin e tij për në ambientet e Komisariatit, për të dhënë deklarimin e tij në lidhje me ngjarjen. Gjithashtu, është bërë edhe identifikimi i autorëve të ngjarjes dhe po punohet për kapjen e tyre.
Ngjarja ka ndodhur para dy orësh, ndërsa mësohet se Kozak është marrë nga shokët e një reperi kundërshtar, që ai i shante në rrjetet sociale. Kozak është futur me forcë në makinën e tyre, sapo ka zbritur nga një taksi.
Kujtojmë se rreth dy javë më parë, Kozak Braçi denoncoi në polici për një shpërthim me lëndë plasëse, që sipas tij, ishte vënë në pallatin ku ai banon në Tiranë, duke e cilësuar këtë si një kërcënim ndaj tij. Por, pas veprimeve hetimore rezultoi se nuk bëhej fjalë për shpërthim, por kishte qenë një kapsolle me lëndë piroteknike, e konfirmuar kjo edhe nga eksperti anti-eksploziv, dhe nuk kishte shkaktuar asnjë dëm material.
