Rreth 80 000 mijë protestues kanë marshuar në Berlin, në solidaritet me protestat e vazhdueshme në Iran. Mitingu i së shtunës në kryeqytetin gjerman besohet të ketë qenë më i madhi i mbajtur deri më tani nga diaspora iraniane, ndërsa iranianët nga e gjithë Evropa brohoritën sloganin e protestuesve “Gratë, Jeta dhe Liria!”
Në Iran, protestat e shkaktuara nga vdekja e Mahsa Aminit në paraburgim kanë hyrë në javën e gjashtë, teksa të shtunën u mbajtën tubime në disa kryeqytete botërore, përfshirë Uashingtonin, ku mijëra njerëz kanë marshuar edhe atje.
Organizatorët e tubimit të Berlinit thonë se numri i protestuesve është afër 80,000, ndërsa kërkesat e tyre përfshinin më shumë sanksione perëndimore kundër Gardës Revolucionare të Iranit.
Diplomatët iranianë, thanë protestuesit, duhet të dëbohen nga kryeqytetet perëndimore. “Është befasuese, është e mahnitshme. Është hera e parë që kaq shumë njerëz në kombin tonë janë të bashkuar pavarësisht nga bindjet e tyre politike para revolucionit dhe pas revolucionit”, tha një protestues për BBC.
Discussion about this post