Përballja me Andorrën, Kosova kërkon fitoren e parë

Përfaqësuesja e Kosovës do ta zhvillojë ndeshjen e dytë në kualifikimet për Kampionatin Evropian, Euro 2024.

Dardanët e kanë nisur me barazim këtë fazë kualifikuese, pasi kanë marrë barazim ndaj Izraelit në ndeshjen e parë në transfertë.

Sot të besuarit e Alain Giresse do të përballen me Andorrën në stadiumin ‘Fadil Vokrri’.

Vetëm fitorja vlen në këtë duel, pasi dihet që Andorra është kundërshtari më i lehtë në letër në Grupin I dhe nuk lejohet në asnjë mënyrë gabimi në këtë sfidë.

Kjo është hera e parë që dy ekipet përfaqësuese takohen me njëra tjetrën.

Dardanët po kërkojnë të shkruajnë historinë pasi synimi mbetet i qartë kualifikimi në ‘Euro 2024’, ndërsa Andorra si në çdo ndeshje futet për të tentuar befasinë e madhe.

Alain Giresse ka të gjithë futbollistët në dispozicion për këtë duel, ndërkohë që te mysafirët mungesa e vetme është ajo e Marc Rebes që u ndëshkua me karton të kuq në sfidën ndaj Rumanisë.