Krimet seksuale më të mitur të përfshirë, janë rritur dita-ditës në vend, ku rasti i fundit është ai i Sarandës, ku një vajzë 13-vjeçare është shfrytëzuar seksualisht për rreth 3 muaj nga 62-vjeçari Stefan Koloi.
Ky i fundit e mori vajzën nga familja e tij duke shfrytëzuar gjendjen e tyre ekonomike dhe duke joshur vajzën me para, dhurata dhe të mira materiale, duke rënë pre e shfrytëzimit.
Ky i fundit i gjente klientët, madje dhe i jepte herë pas here para, prandaj binte në sy fakti që vajza vishej me rroba luksoze, mbante “Iphone 12”, bënte “make-up” dhe kishte marrë banesë me qira në Sarandë.
Kryeinspektori i Policisë Kufitare, Petraq Raku, 63 vjeç, u kap në flagrancë nga policia duke abuzuar me vajzën dhe u arrestua nga uniformat blu, ndërsa xhaxhai i bashkëpunëtorit tjetër, Stefan Koloit, ka folur në intervistë për “Shqipëria Live” duke hedhur poshtë të gjitha akuzat ndaj nipit të tij.
Sipas tij, ngjarja ishte kurth dhe se lokali kishte kohë që ishte mbyllur.
“Ishte kurth, nuk merrej me prostitucion. Lokalin kishte kohë që e kishte mbyllur. Vijnë që nga Shkodra e punojnë këtu. Lokalin nuk e përdorte, e ka bërë për klub. Ka 10 vjet që e ka bërë. Ka krevate aty për prostituta? Nuk ka asgjë. Ka një dhomë që ai rri vetë aty. Ai nga ky vend këtu nuk lëvizte fare. Ka një grua 60-vjeçare. Fajin e kanë ata që e kanë lënë atë 13-vjeçare ashtu”, tha xhaxhai i tij.
13-vjeçarja është abuzuar seksualisht nga oficeri i Komisariatit të Policisë Kufitare Sarandë. Pas një hetimi një mujor nga prokuroria e Sarandës policia ka vënë në pranga punonjësin e policisë Petraq Rako, 63 vjeç dhe bashkëpunëtorin e tij Stefan Koloi 62 vjeç. Të dy autorët janë arrestuar në flagrancë në vendin e siguruar nga Stefan Koloi, ku shfrytëzonte për prostitucion të miturën 13-vjeçare.
Discussion about this post