Përdori vëllain për famë? Mevlani tregon si qëndron e vërteta

Në sezonin e ri të “Për’puthen 3”, u bë pjesë e programit edhe vëllai i ish-konkurrentit të njohur, Mevlan Shaba, Artani, i cili nuk qëndroi dot shumë gjatë për shkak të mosmarrëveshjeve që u krijuan në studio me vajzat.

Hyrja e tij në fakt ishte pak me papritur për publikun, i cili filloi të hidhte hije dyshimi se mos Artani u fut në këtë emision që Mevlani të ishte akoma i famshëm.

Rikujtojmë se kjo gjë u mbështet edhe nga ish-konkurrentja e “Për’puthen”, Antonela Berisha, e cila e akuzuan se përdori vëllain e tij, për “të mbajtur lidhjet” me televizionin.

Gjithsesi, ai i hedh poshtë këto thashetheme duke thënë se nëse ai do të ishte i implikuar do të bënte çmos që vëllai i tij të rrinte dhe jo të dilte pas dy javësh nga programi.

“Sigurisht është përfolur shumë dhe kjo hyrja e vëllait tim në ‘Për’puthen’ pasi shumë njerëz e kanë marrë siç duan ata. Gjoja e ka futur vëllain për ta përdorur, për të mbajtur në balancë famën. Kjo gjë nuk është e vërtetë, vëllai im nuk më jep famë mua, ai është i rritur, normal unë jam më i rritur e i jap këshilla.

Po unë nuk kam lidhje me zgjedhjet e tij. Hyrja e tij në ‘Për’puthen’ ishte për të jo për mua. Aq më tepër që zgjati shumë pak, rreth 2 javë, po të isha unë i implikuar për përfitim do bëja çmos të rrinte, po unë nuk kam gisht në këtë punë.” – tha ai për Prive.

Mevlani gjithashtu sqaroi se nuk ka kontakt as me Ledjanën e as me Antonelën dhe se nuk dëshiron të ketë. / O.B / Gijotina.com