Facebook mesa duket nuk është më në momentin e tij të shkëlqimit, kjo për shkak se kohët e fundit përdoruesit po hasen me shumë probleme. Së fundmi ata e gjetën vetën të përjashtuar nga llogaritë e tyre pa ndonjë arsye.
Mesazhi që morën shumë thoshte: “Llogaria juaj në Facebook u çaktivizua sepse nuk ndiqte Standardet tona të Komunitetit. Ky vendim nuk mund të anulohet”.
Një përdorues i tha BBC-s se nuk i ishte dhënë asnjë paralajmërim apo shpjegim. Kompania mëmë e Facebook, Meta, tha se po heton rastin.
“Ne jemi të vetëdijshëm se disa përdorues po përjetojnë probleme me qasjen në llogaritë e tyre në Facebook dhe ne po punojmë për t’i zgjidhur ato sa më shpejt të jetë e mundur”, tha Andy Stone në një postim në Tëitter, nga kompania Meta.
Ai nuk tha se sa persona ishin prekur nga ky rast apo çfarë ishte çështja.
Discussion about this post