Përfaqësuesi ligjor i LSI, Altin Kazizaj , për ka konfirmuar kërkesën e LSI-së për në Gjykatën Kushtetuese për të ndryshuar ligjin 139 të vitit 2015 për vet-qeverisjen vendore. Altin Kazizaj sqaroi se, këto nene që ankimohen nga LSI kanë sjellë abuzim në këshillin bashkiak dhe nuk mbrojnë pronën publike dhe private.
Ndërsa i pyetur në lidhje me presidentin Ilir Meta, ai u përgjigj se LSI e mbështet Metën sepse ai nuk është i kapur nga pushtetit dhe ka si qëllim të mbrojë interesin publik.
“Nëse Ilir Meta ka interesin publik primar dhe LSI ka interesin publik primar, ku qëndron e keqja. LSI ka mbroj interesin publik, LSI ka qenë e para kur cenohet prona private, ju jeni të njohur me iniciativat që bën kjo qeveri për të marrë pronën e privatit pa i shpronësuar.
Kjo nuk ka lidhje me dekretin e presidentit, nëse është kthyer si dekret shumë mirë ka bërë pasi Meta është i pa kapur nga ky pushtet. Unë jam personi që merrem për çështjet ligjore në këtë parti”, tha ai.
Edhe pse tha që kërkesa e tyre nuk ka të bëjë me kthimin e dekretit të këtij ligji nga presidenti, Kazizaj tregoi se vlerëson vendimin e tij.
