Kanë përfunduar pjesët e para të ndeshjeve në Ligën e Kampionëve. Skuadra e Bajernit të Mynihut po fiton me shifrat e pastra 2-0 në fushën e Dinamos së Kievit. Gjermanët ishin superiore gjatë pjesës së parë teksa kaluan në avantazh me anë të sulmuesit Robert Levandovski i cilirealizoi golin e nëntë personal këtë edicion të Championsit. Për të dyfishuar shifrat mendoi Coman në minutën e 42 të ndeshjes.
Në sfidën tjetër skuadra e Manchester United ka krijuar shumë shanse shënimi por nuk i’a ka dalë të realizojë ende. Ronaldo me shokë kanë patur disa mundësi shënimi por ka munguar finalizimi. Nga ana tjetër edhe skuadra spanjolle është shfaqur rrezikshëm por portieri De Gea ka bërë pritje vendimtare.
Discussion about this post