Kryetari i grupit parlamentar të PS, Taulant Balla ka dhënë një prenoncim për mediat pas përfundimit të mbledhjes së konferencës së Kryetarëve.
Para gazetarëve, Balla u shpreh se seanca plenare e ditës së nesërme do të ndahet në tre pjesë, ku si fillim do të prezantohet programi i qeverisë nga kryeministri Rama.
“Kemi miratuar me koncensus pikën lidhur me përbërjen në Kuvend të Këshillit të Ministrave dhe programit të qeverisë. Kjo seancë do të përbëhet nga tre pjesë. Si fillim do prezantohet programi nga kreu i qeverisë, më pas do të merret koha për pyetje. Më pas do kemi debate dhe votimin, për përbërjen e Këshillit të Ministrave apo të programit të qeverisë”, tha Balla.
Ndër të tjera, Balla tha se është pranuar kërkesa e opozitës që çdo deputet të flasë 10 minuta për programin e qeverisë, ndërsa Rama dhe ministrat do u përgjigjen çdo pyetjeje. D.L/Gijotina.com
