Përplasen dy motomjete, 3 të plagosur. Njëri prej tyre 14-vjeçar

Tre persona, dy prej të cilëve të mitur janë plagosur në një aksident, që ndodhi mbrëmjen e së hënës në Fier.

Në aksident u përfshinë dy motomjete, njëri i drejtuar nga një 17-vjeçar, që është përplasur me motomjetin tjetër me drejtues shtetasin D.Z, 18 vjeç.

Si pasojë janë dëmtuar dy shoferët dhe një pasagjer 14 vjeçar, të cilët janë nisur drejt spitalit për ndihmë mjekësore.

“Rreth orës 19:00, në fshatin Adë, Fier, motomjeti me drejtues një shtetas 17 vjeç është përplasur me motomjetin me drejtues shtetasin D. Z., 18 vjeç.

Si pasojë e përplasjes janë dëmtuar 2 drejtuesit e motomjeteve dhe një pasagjer në njërin motomjet, 14 vjeç, të cilët ndodhen në spital, në kujdesin e mjekëve”, njofton Policia.

Grupi hetimor po punon për përcaktimin e shkaqeve të aksidentit.