Një 36-vjeçare është vënë ën pranga nga policia pasi mbrëmjen e djeshme, në aksin rrugor Fier-Patos, në Portëz, duke drejtuar automjetin tip “Volkswagen” ka përplasur një këmbësor.
Policia bën me dije se i lënduari P. M., 51 vjeç, banues në Portëz, ndodhet në spitalin e Fierit nën kujdesin e mjekëve.
“Specialistët e Sektorit të Qarkullimit Rrugor në DVP Fier, arrestuan në flagrancë shtetasen E. Y., 36 vjeçe, banuese në Fier, pasi mbrëmjen e djeshme, në aksin rrugor Fier-Patos, në Portëz, duke drejtuar automjetin tip “Volkswagen” ka goditur një këmbësor, shtetasin P. M., 51 vjeç, banues në Portëz, i cili ndodhet në spitalin e Fierit nën kujdesin e mjekëve”, njofton policia.
Materialet i kaluan Prokurorisë pranë Gjykatës së Shkallës së Parë Fier për veprën penale “Shkelje e rregullave të qarkullimit rrugor”.
