Operacioni Ndërkombëtar i Monitorimit e sheh si të nevojshme zgjatjen e mandatit të KPK për procesin e vettingut. Në Parlament u vendos që të bëhen ndryshime në Kushtetutë dhe të zgjatet afati që përfundon në 2021 për KPK dhe Komiosnerin Publik. Ky vendim solli shumë përplasje mes palëve politike, ndërsa ONM e sheh si të nevojshme këtë shtyrje. Në një prononcim për “abc neWs”, ONM shprehet se më parë ky vendim duhet konsultuar me Komisionin e Venecias.
“ONM konsideron se është me rëndësi parësore që të gjitha rastet e verifikimit në pritje të përfundojnë në periudhën më të shkurtër të mundshme, duke ruajtur konsistencën dhe integritetin e procesit. Për të arritur këtë rezultat, është e nevojshme një zgjatje e kufizuar kohore e mandatit kushtetues të anëtarëve të Komisionit të Pavarur të Kualifikimit dhe të Institucionit të Komisionerëve Publik.
Kjo do t’i lejojë dy organet të përfundojnë të gjitha rastet në të cilat ka filluar hetimi. Është në kompetencën e autoriteteve shqiptare të përcaktojnë afatet e sakta të një zgjatjeje të tillë, në konsultim të ngushtë me palët e interesuara përkatëse, përfshirë Komisionin e Venecias”, shprehet ONM.
Kujtojmë se Kushtetua përcakton që në korrik të 2022 mandati për KPK përfundon dhe kompetencat për vettingun duhet t’i kalojnë KLP dhe KLGJ. Por Mazhornaca kërkon ta ndryshojë këtë pikë. Nuk dihet nëse do arrihet në kohë, pasi siç shihet palët nuk gjejnë konsensus mes njëra-tjetrës për këtë çështje.
