Skuadra e Milanit është me një këmbë jashtë Championsit për shkak se ka grumbulluar vetëm një pikë në katër ndeshjet e para në grup. Kuqezinjtë tashmë do të luajnë ndeshjen e radhës në kampionat ndaj Interit në derbin e Italisë teksa trajneri Stefano Pioli ka theksuar se e gjithë vëmendja është spostuar tek ndeshja me zikaltërit.
“Mund të bënim më mirë. Duhet të ishim më të saktë tek rastet e krijuara. Në pjesën e dytë ishim më intensiv. Për të kaluar në fazën tjetër duhet të fitosh ndeshjet. Porto është një ekip i fortë”.
“Niveli në këtë kompeticion është shumë i lartë dhe nuk ishim në lartësinë e duhur. Duhet të rikuperojmë energjitë. E dimë rëndësinë e kësaj sfide. Do të jetë një ndeshje e vështirë ndaj kampionëve në fuqi”, theksoi Pioli.
Discussion about this post