Milan këtë të martë pësoi një disfatë shumë të ‘hidhur’ nga Liverpoli i Jurgen Klop, në takimin që u mbyll në shifrat 2-1 në favor të anglezëve.
Kjo humbje i kushtoi skualifikimin nga të gjitha garat europiane skuadrës së Piolit pasi fati i Milanit varej edhe nga kombinimi i takimit mes Portos dhe Atletiko Madrid, por të besuarit e Simeones nuk zhgënjyen, duke arritu ta fitonin këtë përballje me rezultatin 3-1.
Në përfundim të kësaj aventure për Milanin me ëndrrën europiane që kthehej pas nëntë vitesh, foli dhe trajneri Pioli ku dha komentin e tij në atë se çfarë shkoi keq në ‘San Siro’.
“E dinim se ky grup ishte tepër i vështirë, dhe po ashtu ishte edhe kjo ndeshje, por për fat të keq ne nuk ishim në gjendje të mbanim një ritëm mjaft të lartë dhe bëmë shumë gabime, të cilat në këtë nivel janë të kushtueshme”, ka thënë fillimisht Pioli.
“Ka keqardhje, sepse mendoj se merituam më shumë, veçanërisht kundër Atletico Madridit dhe Portos në shtëpi. Thënë këtë, mund të ndodhë në këtë nivel për një skuadër kaq të papërvojë”.
“Ne kemi parë llojin e kundërshtarëve që ka në Evropë, cilësinë dhe fokusin e nevojshëm, kështu që do të mësojmë nga kjo. Qëndrimi në Evropë ishte objektivi ynë, por ne do të përpiqemi të marrim mësimet nga kjo përvojë dhe të vazhdojmë të rritemi”.
“Është zhgënjyese, por do të ndihmojë procesin e rritjes dhe ne kishim nevojë për përvoja të tilla për të na bërë më të fortë në të ardhmen”, përfundoi italiani.
Shumë tifozë të Milanit do të jenë të lumtur të përfundojnë në fund të grupit, pasi si Interi sezonin e kaluar, kjo do të thotë se ata tani mund të përqendrojnë të gjitha burimet e tyre në ndjekjen e Scudettos në Serie A.
Discussion about this post