Plagosja e 60-vjeçares në Lushnjë, reagon policia

Policia e Lushnjës ka reaguar për plagosjen me armë zjarri të një 60-vjeçareje.

Sipas bluve, një grua është plagosur me armë, ndërsa hetimet vazhdojnë për të zbuluar atë që ka ndodhur.

“Lushnjë/Informacion paraprak

Rreth orës 17:20, në fshatin Ballagat, Lushnjë,  në rrethana ende të paqarta është plagosur me armë zjarri shtetasja B. S., 60 vjeçe, banuese në Ballagat, Lushnjë, e cila ndodhet në spital, në kujdesin e mjekëve.

Shërbimet e Policisë kanë shkuar menjëherë në vendngjarje , janë ngritur pika kontrolli në të gjitha hyrje-daljet e qytetit të Lushnjës dhe vijon krehja e zonës me qëllim kapjen e autorëve.

Grupi hetimor ndodhet në vendngjarje dhe vijon punën intensive për zbardhjen e plotë të ngjarjes”, tha policia.