Një plagosje është raportuar në qytetin e Shkodrës.
Sipas burimeve, 47-vjeçari Fatmir Odri ka mbërritur i plagosur në spitalin e Shkodrës.
Kanë qenë bluzat e bardha ata që kanë njoftuar Policinë për rastin, ndërsa ende nuk ka informacion mbi rrethanat e ngjarjes.
I plagosuri ndodhet aktualisht në sallën e operacionit, ku po i nënshtrohet një ndërhyrjeje kirurgjikale.
Mësohet se ngjarja ka ndodhur në një lokal te ish-Sanatoriumi në Shkodër, dhe 47-vjeçari ka marrë një plumb në shpatull.
Policia ka mbërritur në vendin e ngjarjes dhe ka rrethuar zonën, teksa ka nisur hetimet për zbardhjen e krimit.
Discussion about this post