Po ngjiste malin e Çikës, plagoset turisti nga Holanda

Në ndihmë te tij kanë shkuar forcat e policisë së Deltës së Orikumit por dhe nje helikopter .Por deri ne këto momente gjetja e tij është shume e vështirë, operacioni vijon.

Jane tre të rinj nga Hollanda të cilët ndodhen në majën e Qores , ndërsa njëri prej tyre ka rënë dhe ka dëmtuar ( thyer ) një këmbë.

Një rast i ngjashëm u raportua disa ditë më parë, në alpet mes Valbonës dhe Thethit.

Katër turistë, gjatë ecjes në këmbë (hiking), humbën rrugën dhe ranë në një greminë.

Dy u transportuan në gjendje të rëndë shëndetësore.

Aksidentet në alpe janë një fenomen i shpeshtë për shkak të terrenit të vështirë si edhe faktit që frekuentohen nga një numër i madh vizitorësh thuajse gjatë gjithë vitit. Në një aksident të ngjashëm ndërroi jetë edhe alpinisti Ndoc Mula.