Një nga organet e fundit të lajmeve të pavarura në Rusi, TV Rain, ka njoftuar ditën e sotme se do të ndalojë transmetimin për një afat të pacaktuar, pasi është nën presion për mbulimin e luftës në Ukrainë.
Rregullatori rus i telekomunikacioneve kishte bllokuar tashmë TV Rain në fillim të kësaj jave, duke e akuzuar atë për “nxitje të ekstremizmit, abuzim me qytetarët rusë, duke shkaktuar prishje masive të qetësisë dhe sigurisë publike dhe inkurajimin e protestave”, sipas raporteve.
Të enjten, media transmetoi shfaqjen e saj të fundit në internet.
“Jo luftës,” tha Natalia Sindeyeva, një nga themelueset e kanalit, ndërsa punonjësit dolën nga studioja.
Kanali më pas filloi të shfaqte pamjet e një shfaqjeje të Liqenit të Mjellmave të Çajkovskit.
Baleti u përdor në mënyrë famëkeqe në transmetimet e radios dhe televizionit të epokës sovjetike gjatë viteve 1980 për të shënuar vdekjen e liderëve, dhe më vonë në një grusht shteti të vitit 1991 që do të kontribuonte në fundin e Bashkimit Sovjetik.
https://twitter.com/UkraineNewsUK/status/1499544137770708999?ref_src=twsrc%5Etfw%7Ctwcamp%5Etweetembed%7Ctwterm%5E1499544137770708999%7Ctwgr%5E%7Ctwcon%5Es1_&ref_url=https%3A%2F%2Fwww.balkanweb.com%2Fpo-nxit-ekstremizem-dhe-protesta-putini-mbyll-nje-nga-televizionet-e-pavarura-ne-rusi%2F
Discussion about this post