Banorët e zonës së “5 Majit”, janë ngritur në protestë për shkak se banesat e tyre po shemben. Sipas banorëve bëhet me dije se janë 40 godina të cilat po shemben, por nuk dihet se si do të dëmshpërblehen. Ata pohojnë se nëse kompensimi nuk bëhet me çmim tregu, atëherë protestat do të jenë të vazhdueshme.
Ndër të tjera, banorët nuk janë lajmëruar për këto shembje, duke përmendur se janë të papërgatitur.
“ Ne nuk jemi kundër zhvillimit të zonës, por jemi kundër mënyrës si na trajton pronën bashkia dhe qeveria. Me VKM jemi njohur që në janar, pastaj kemi bërë një takim me deputetin e zonës Ervin Bushati dhe s’na kanë dhënë asnjë përgjigje “, shprehen banorët.
Sipas VKM, shkëmbimi do të bëhet 1 me 1, por banorët kërkojnë që të kompensohen me çmim tregu. Ndër të tjera ata kërkojnë që prona e tyre të trajtohet në mënyrë të barabartë.
Më tej protestuesit janë shprehur se as partitë politike nuk kanë shkuar për t’i mbështetur duke treguar se janë lënë në harresë prej tyre.
I kanë lajmëruar 5 ditë përpara dhe u kanë thënë gjeni shtëpi me qira. Do dalim në protestë çdo ditë. Është gjaku ynë, ku të shkojmë? Kanë një jetë që 5 vëllezër kanë punuar për atë shtëpi. Ne kërkojmë dëmshpërblim”, është shprehur njëri prej banorëve.
