Trajneri i skuadrës së PSG, Mauricio Pochettino është aluduar se do të marrë drejtimin e skuadrës së Manchester United. Vetë tekniku argjentinas ka reaguar duke theksuar se nuk ka asgjë të vërtetë.
“Unë te Manchester United? Kam kontratë që nuk skadon në fund të sezonit por në vitin 2023. Dhe jam shumë i lumtur në Paris. Nuk jam fëmijë, e kam kaluar gjithë jetën time në botën e futbollit. Jemi të detyruar të bashkëjetojmë me thashethemet. E kuptoj në mënyrë perfekte se çfarë po ndodh. Jam u lumtur te PSG dhe do të jap 100%.
E respektoj klubin tim dhe ajo që bën një klub tjetër nuk më përket. Nuk dua të them fjalë të tjera që të mos keqkuptohem. E duam PSG-në, është fantastike që jam këtu. Jemi të parët në Ligue 1 dhe luftojmë me Manchester City-n në Champions”, tha Pochettino.
Discussion about this post