Detaje të reja janë zbardhur nga ngjarja e rëndë në Pogradec. Sipas burimeve drejtori i shkollës në fshatin Stropckë, Adriatik Haxhillari ka ngacmuar seksualisht dy nxënëse të moshës 14-vjeçare.
Ngacmimi ndaj minoreneve ka nisur rreth dy javë më parë. Drejtori Haxhillari ka ngacmuar nxënëset në ambientet e klasës duke kryer veprime të turpshme gjatë orës së mësimit.
Policia e Pogradecit ka mundur të zbërthejë informacionin nga vajzat në fjalë, me ndihmën edhe të psikologëve. Ato kanë pranuar se drejtori u ka bërë shenja gjatë mësimit. Jo vetëm kaq, por ai u ka dërguar mesazhe ngacmuese në orët e vona të natës. Vajzat nuk kishin treguar asgjë në familje dhe as nuk kanë bërë denoncim, por ishin uniformat blu ata të cilët i bindën të tregojnë çfarë kishte ndodhur.
Gjithashtu bëhet me dije se mesazhet e para janë parë nga vëllai i njërës prej vajzave, e cila i kishte prindërit në Greqi dhe shqetësohej për thirrjet në telefon në 23:00 të natës. Më pas i vëllai ka shkuar te takojë drejtorin dhe e ka goditur. Të nesërmen drejtori e ka thirrur për t’i kërkuar ndjesë.
Drejtori i ngacmonte vajzat në klasë duke iu bërë shenja, kafshime buze dhe ngacmime në oborr të shkollës.
Vajzat nuk e kanë pasur të regjistruar numrin me emër dhe kjo është në verifikim, por para psikologut kanë thënë se ishte drejtori. Koha e ngacmimeve ka zgjatur 3 javë deri në 1 muaj.
Menjëherë pas qarkullimit të lajmit, Adriatik Haxhillari është pezulluar nga puna. Pas dy ditësh ai pritet të dalë përpara gjykatës ku do të njihet me masën e sigurisë. Mbi të rëndon akuza e “ngacmim seksual”.
Discussion about this post