Një peshkatar ka kapur në ujërat e liqenit të Ohrit një peshk Koran që peshon mbi 13 kg.
Mësohet se peshkatari që e ka kapur është Ylli Jaçellari. 45-vjeçari prej vitesh ushtron peshkimin artizanal në liqen, por kurrë nuk kishte arritur të nxirrte një peshk me këtë peshë nga liqeni, peshë shumë e rrallë edhe për peshkatarë të tjerë që ushtrojnë aktivitetin e tyre në liqen.
Peshkatari e ka shitur tashmë Koranin 13.1 kg në një nga restorantet e zonës.
Është rrallë që të kapet një peshk i përmasave të tilla në Pogradec për shkak edhe të rritjes së ngadaltë që ka si proces Korani.
Discussion about this post