Aksidentet rrugore në vend janë në nivel shqetësues rritës, policia rrugore justifikohet duke nxjerrë bilancin e gjobave që kanë vendosur ndaj shoferëve.
Megjithatë duket se propagandat me video nga terreni, nuk i tërheqin aspak vëmendjen qytetarëve të cilët kanë shprehur pakënaqësi nga detyra e tyre, ndërsa aksidentet rrugore po shkaktojnë një numër të madh viktimash në vend po aq edhe të plagosur.
“Policia ordinere”, është shprehur njëri prej tyre.
“Na shkrive fare! I ve gjobat që të na ruash neve!!”, ka komentuar një tjetër.
Theksojmë se aksidentet rrugore kanë ndodhur si pasojë e shkeljes së sinjalistikave nga ana e drejtuesve të mjetit, ndërsa Policia Rrugore nuk ka qenë në patrullim.
Nga kontrollet e ushtruara në Tiranë, Elbasan e Durrës, nga makina inteligjente janë evidentuar në shkelje 1978 drejtues mjetesh, të cilëve do t’u shkojë masa administrative në banesë.
Gjatë kontrolleve, shërbimet e Policisë Rrugore kanë evidentuar edhe një numër të madh shkeljesh të rregullave të qarkullimit rrugor nga drejtuesit e mjeteve.
Në të gjithë vendin, gjatë kontrolleve permanente janë evidentuar dhe ndëshkuar 11.556 drejtues mjetesh, për shkelje të ndryshme që janë rrezik potencial për përfshirje në ngjarje rrugore.
• Janë pezulluar 341 leje drejtimi, nga të cilat 221 për shpejtësi mbi normat e lejuara, shumica e rasteve të konstatuara nga makina inteligjente, 78 për drejtim mjeti nën efektin e alkoolit dhe 42 për qarkullim në sens të kundërt.
• Janë arrestuar 65 shtetas, nga të cilët 28 për drejtim mjeti në gjendje të dehur dhe 37 për drejtim mjeti pa leje drejtimi.
Pavarësisht kontrolleve intensive nga shërbimet policore, përgjatë javës që lamë pas janë evidentuar 46 aksidente, me 4 jetë të humbura dhe 10 shtetas të plagosur rëndë, ndërsa 57 shtetas të tjerë kanë pësuar dëmtime të lehta.
Discussion about this post