Policia italiane ka arrestuar ditën e sotme një 18-vjeçar shqiptar pasi i është gjetur kokainë me vete. I riu shqiptar po udhëtonte me tren drejt Romës me një ‘GreenPass’ të dikujt tjetër, por ai është pikasur nga kontrollorja e trenit. Kjo e fundit, pasi ka konstuar se ‘GreenPass’-i mbante tjetër emër nga ai i dokumentit të tij personal ka lajmëruar policinë.
Kur agjentët e identifikuan gjatë ndalesës së trenit në stacionin e Chiavarit, i riu shqiptar u shfaq i shqetësuar aq sa policët dyshuan dhe e detyruan të zbriste nga treni, duke e shoqëruar në zyrë. Pas një kontrolli më të detajuar, atij iu gjetën dy mbështjellës celofani me kokainë me një peshë totale rreth 170 gram.
Shqiptari 18-vjeçar u arrestua nga policia italiane dhe u dërgua në burgun e Genova Marassi.
Discussion about this post