Korçë/ 6 persona janë arrestuar nga policia e Korçës në fshatin Voskop të cilët kishin magazinuar një sasi të madhe të dyshuar si lëndë narkotike kanabis sativa.
Fillimisht dyshohet se sasia e magazinuar e drogës ka ardhur nga një qytet tjetër, e kishte për qëllim shpërndarjen në sasi të vogla në qarkun e Korçës
Sipas burimeve policore mes 6 personave të ndaluar për këtë aktivitet kriminal 3 prej tyre janë gra. Të njëjtat burime shtojnë se gratë shërbenin për përpunimin e lëndës narkotike e cila paketohej në sasi të vogla dhe më pas shitej në qytetet e qarkut të Korçës.
Momentalisht forcat blu të Korçës po bëjnë peshimin e sasisë së sekuestruar të bimëve narkotike, teksa nuk dihet identiteti i të arrestuarve.
Lënda narkotike nuk është kultivuar në Korçë por është transportuar aty nga një tjetër vend, ndërsa policia ka nisur hetimet.
Sipas mediave në gjurmë të këtij aktiviteti ka rënë policia e Shkodrës, e cila përmes informacioneve operative ka arritur të lokalizojë magazinën, duke ndjekur punonjësit që hynin dhe dilnin në atë magazinë.
gijotina.com/
Discussion about this post