Politikani i njohur i del në mbrojtje Elsa Lilës: Është ikonë e muzikës shqiptare

Arrestimi i këngëtares së njohur shqiptare  Elsa Lilës, për shkak të trafikimit të drogës midis provincave të Viterbos dhe asaj të Romës, ka bërë jehon ditën e sotme në media.

Të shumta kanë qenë figurat e njohura që e kanë “kryqëzuar” këngëtaren, mirëpo ish-kreu i Aleancës Kuqezi Kreshnik Spahiu i ka dalë në mbrojtje.

Ai shkruan se Lila është sulmuar barbarisht nga gjysma e mediave shqiptare për bindjet politike dhe thekson se para se të jetë socialiste, ajo është një ikonë e muzikës shqiptare.

“Sot Elsa Lila është sulmuar barbarisht nga gjysma e mediave shqiptare, jo për atë çfarë akuzohet apo arrestohet, por për bindjet politike.
O njerëz, Elsa përpara se të jetë socialiste, është nënë, bashkëshorte, jetime por dhe ikonë e muzikës shqiptare.
Zëri dhe tingujt e saj do lënë gjurmë për Shqipërinë, më shumë se “loti që pikon” nga sytë tuaja për partinë”, shkruan Spahiu.