Kryeministri Edi Rama zhvilloi dje një takim me drejtuesit e Policisë së Shtetit. E nuk kishin si të mungonin edhe porositë, për një sektor që ai e ka nën pushtet. Rama ka kërkuar goditje të zyrtarëve dhe punonjësve shtetërore të cilët janë përfshirë në paligjshmëri apo korrupsion, pavarëisht se kur ndodhin raste të tilla, kreu i qeverisë dorëzohet, duke deklaruar vazhdimisht se nuk ndërhyn në vendimmarrjen e institucioneve të rëndësishme.
Gjithashtu, Rama është ndalur dhe të misteri i zhdukjes së të shumëkërkuarit Ervis Martinaj, për të cilën ka kërkuar të zbardhet sa më shpejt.
Sezoni turistik dhe vëmendja maksimale në plazhe ishte një çështje tjetër që u la porosi Rama drejtuesve të rendit. Gjithashtu, kreu i qeverisë vuri në vëmendje dhe situatën parazgjedhore, duke kërkuar angazhim të policisë në ruajtjen e rendit dhe sigurisë, ndërsa po ashtu është shprehur se asnjë punonjës policie nuk duhet të përfshihet në fushata politike.
Por, kujtojmë se kjo gjë është përsëritur dhe më parë. Me ngjarjen e Elbasanit, ku u vra Pjerin Xhuvani, ish-drejtori i Policisë së Shtetit Ardi Veliu ka mohuar me zë dhe figurë ekzistencën e listave të zgjedhësve dhe paratë në makinën e të ndjerit.
Nga ana tjetër, Rama në zgjedhjet elektorale të vitit 2017, i kërkoi policëve që të mblidhnin vota për Partinë Socialiste.
Edhe këtë herë nuk ka dyshime, që Policia e Shtetit dhe kryeministri Edi Rama do të veprojnë si një binom i vetëm, për të qenë palë në masakrën zgjedhore të rradhës, atë të 14 majit 2023.
Edhe pas 10 vitesh në pushtet, Rama nuk mund ta udhëheqë vendin në një mënyrë tjetër, përveç se asaj të grabitjes dhe korrupsionit, mbështetur edhe nga zyrtarët, të cilët janë të detyruar ta ndjekin, pasi nuk mund të veprojnë ndryshe nga ajo që i ka mësuar ky sistem.
Discussion about this post