Portierët vendimtarë, mbyllet pa gola pjesa e parë e Partizani-Dinamo

Pjesa e parë e derbit të kryeqytetti mes Partizanit dhe Dinamos është mbyllur pa gola.

Dinamo pati një mundësi të artë për të shënuar në minutën e 34-të me Mihanën, por Teqja shpëtoi të kuqtë me pritjen e tij.

Partizani pati gjithashtu rastet e veta, por Stenio Zhunior u ndalua nga Bakaj. Ky i fundit u tregua përsëri heroi, kur Rrapaj provoi të shënonte nga distanca. Cara tentoi gjithashtu nga distanca, por topi përfundoi jo larg nga porta e Bakajt.

Aktualisht Partizani ndodhet në vendin e gjashtë në renditje me 15 pikë të grumbulluara. Një pozicion më poshtë ndodhet Dinamo, që ka 13 pikë.