Portugezët: E kanë vendosur që Botërorin t’ia dhurojnë Messit

Duke shkuar në përballjen e tyre çerekfinale kundër Marokut, portugezët ishin favoritët e mëdhenj për të siguruar një vend në katërshen e fundit. Megjithatë, Maroku bëri një paraqitje të shkëlqyer dhe sulmuesi i Sevillas, Youssef En Nesyri, shënoi golin e vetëm të ndeshjes në minutën e 42-të për të trullosur Portugalinë dhe për t’i bërë ato të largohen.

Lojtarët portugez u rrënuan në bilbilin e fundit, me kapitenin Cristiano Ronaldo të pangushëllueshëm, teksa u duk i vetmuar të ecë nëpër fushë nën vërshime lotësh. Ëndrra e 37-vjeçarit për Kupën e Botës tashmë ka përfunduar.

Pas ndeshjes, lojtarët e Portugalisë kritikuan vendimin e FIFA-s për të lënë një gjyqtar nga Argjentina të merrte drejtimin e lojës. Mbrojtësi Pepe dhe mesfushori Bruno Fernandes, lanë të kuptohet se FIFA dëshiron që Argjentina të fitojë turneun.

Deklarata e Pepe

Pepe tha: “Është e papranueshme që një arbitër argjentinas të gjykojë lojën tonë. Pas asaj që ndodhi dje, me Messin duke folur, e gjithë Argjentina po fliste dhe arbitri vjen këtu për të na ndëshkuar. Nuk po them se ai vjen këtu i kushtëzuar…por çfarë luajtëm në pjesën e dytë? Nuk na lejuan të luanim pjesën e dytë. Mund të vë bast se Argjentina do të jetë kampione”.

Ndërsa Fernandes shtoi: “Ne tashmë e dimë se si funksionon… para ndeshjes ne e dinim se për çfarë ishim dhe çfarë lloj arbitri do të gjenim. Nuk e di nëse do t’ia japin trofeun Argjentinës. Nuk më intereson, do të them atë që mendoj. Është shumë e çuditshme që na drejton një gjyqtar nga një vend ende në garë… qartë, ata e kanë anuar lojën kundër nesh. Fatkeqësisht, në këto gara, ku nuk ka gjyqtarë portugez, ka gjyqtarë nga ekipet që janë ende në garë”.

Por tifozët kanë reaguar ndaj komenteve të lojtarëve të Portugalisë. Njëri thonte: “Portugalia humbet dhe gjëja e parë që lojtarët e saj flasin është kundër Argjentinës.”

Një tjetër shkroi në Tëitter: “Pse secili nga lojtarët e Portugalisë po e bën këtë kundër Argjentinës”. Një tifoz i tretë shtoi: “Është qesharake të dëgjosh lojtarët e Portugalisë që fajësojnë Messin dhe skuadrën e Argjentinës. Pranojeni, djema ishit mesatarë.”

Argjentina do të përballet me Kroacinë për një vend në finalen e Kupës së Botës.