Tre banesa janë përfshirë nga flakët mëngjesin e sotëm në Maliq.
Policia ka dhënë detaje rreth zjarrit të rënë në tre banesa që janë ngjitur me njëra-tjetrën.
NJOFTIMI I POLICISE:
Mëngjesin e sotëm, në fshatin Pendavinj, Maliq, ka rënë zjarr në banesat e shtetasve I. Q., Dh. Q., dhe P. V., të cilat janë ngjitur me njëra-tjetrën. Si pasojë e zjarrit ka vetëm dëme materiale.
Shërbimet e zjarrfikëses ndodhen në vendngjarje, për të bërë të mundur fikjen e zjarrit.
Grupi hetimor po punon për sqarimin e rrethanave të ngjarjes dhe përcaktimin e shkakut të rënies së zjarrit.
Paraprakisht mendohet se shkaku i zjarrit vjen si pasojë e një shkëndije elektrike.
Discussion about this post