Trump thotë se Irani ka ‘një shans më shumë për paqe’, ndërsa Teherani i quan raportet për bisedimet me SHBA-në ‘lajme të rreme’.Presidenti i SHBA, Donald Trump, njoftoi se Shtetet e Bashkuara dhe Irani zhvilluan “biseda produktive” gjatë fundjavës, dhe se ai do të pezullojë sulmet ushtarake kundër centraleve të energjisë iraniane për një periudhë pesë-ditore.
Çmimet e naftës ranë ndjeshëm pasi presidenti i SHBA, Donald Trump, sugjeroi se bisedimet e vazhdueshme me Iran mund të çojnë drejt përfundimit të konfliktit në Lindjen e Mesme.
Donald Trump thotë se SHBA-të dhe Irani kanë zhvilluar bisedime mbi “zgjidhjen e plotë dhe totale të armiqësive” në Lindjen e Mesme
Duke shkruar në mediat sociale, Trump thotë se ka shtyrë sulmet e kërcënuara ndaj termocentraleve iraniane për pesë ditë, ndersa çmimet e naftës dhe gazit bien menjëherë
Megjithatë, kryetari i parlamentit të Iranit mohon se janë zhvilluar diskutime, duke thënë se “lajmet e rreme” po përdoren për të “manipuluar” tregjet e naftës
Duke folur pas postimit të tij fillestar në mediat sociale, Trump thotë se Irani ka “një shans më shumë” për paqe
Po ashtu pak minuta pas deklaratës së Trump, ushtria izraelite njoftoi se po kryente sulme ndaj objektivave të regjimit iranian në “zemër të Teheranit”.
Këto zhvillime marramendëse nxjerrin në pah se sa e shpejtë dhe e paparashikueshme është bërë kjo luftë, shkruan korrespondenti i BBC i Uashingtonit
Të shtunën në mbrëmje, Trump i kishte dhënë Iranit një afat prej 48 orësh për të rihapur Ngushticën e Hormuzit – ose, tha ai, SHBA-të do të “shkatërronin” termocentralet iraniane.
gijotina.com/
Discussion about this post