Kreu i grupit të PS, Taulant Balla ka reaguar, pasi deputeti demokrat Enkelejd Alibeaj njoftoi bojkotin e seancës së nesërme për zgjedhjen e Presidentit të ri të Republikës pas përfundimit të mandatit të Ilir Metës.
Balla shprehet se bojkoti nuk sjell përfitim, ndërsa sipas tij është thjesht fyerje dhe shpërfillje e delegimit të votuesve.
“PD i rikthehet bojkotit të Kuvendit?! “Të kërkosh suksesin nuk do të thotë të mos bësh gabime, por të mos bësh të njëjtin gabim për herë të dytë”, apo të tretë,– pat thënë George Bernard Shaw. Bojkoti nuk sjell kurrë ndonjë përfitim, ai është thjeshtë fyerje dhe shpërfillje e delegimit të sovranitetit të zgjedhësve”, shkruan Balla.
Kujtojmë se pak më herët Alibeaj u shpreh se do të bojkotojë emrin e propozuar nga socialistët për Presidentin e ri, ndërsa Sali Berisha u shpreh se do të jetë prezent në seancë, por do të votojë kundër.
Discussion about this post