Grupi Parlamentar i Partisë Demokratike është mbledhur këtë mëngjes në selinë blu, vetëm pak minuta para nisjes së seancës plenare. Ditën e djeshme kjo mbledhje nuk u zhvillua për shkak të fatkeqësisë së deputetit Luçiano Boçi, i cili humbi babain.
Mbledhja është thirrur nga kreu i grupit, Enkelejd Alibeaj dhe pritet të diskutohet mbi qëndrimin që do të mbajnë demokratët për negociatat me maxhorancën lidhur me zgjedhjen e presidentit të ri pas largimit të Ilir Metës.
Gjithashtu pritet dhe qëndrimi që do të mbajë ish-kryeministrit Sali Berisha dhe Komisioni i Rithemelimit, pasi ish kryeministri ka deklaruar më herët se nuk do të marrë pjesë në bisedimet për të zgjedhur kreun e shtetit, duke e cilësuar si farsë të kryeministrit Edi Rama.
Nga ana tjetër, Enkelejd Alibeaj është ftuar nga Taulant Balla për të zhvilluar takimin e parë për zgjedhjen e presidentit, por kreu i grupit të PD tha se vendimi do merret pas mbledhjes së sotme.
Discussion about this post