Ka përfunduar takimi mes Uplianës dhe Prishtinës, ndeshje kjo e vlefshme për javën e 16të në Superligën Kosovare të futbollit.
Prishtina arriti të triumfojë me rezultatin 3-0, me golin e parë që u shënua në minutën e 34’. Kryeqytetasit e kërkuan golin që në minutat e para ku bardhekaltërit krijuan rastin me Abazin por pa mundur të finalizojë.
Tentativa pati edhe nga Makenda dhe Kryeziu, por as këta të fundit nuk mundën të bënin ndryshimin deri në golin e parë që zhbllokoi edhe rezlutatin e kësaj pjese të parë.
Pjesa e dytë sërisht do të ishte nën kontrollin e Prishtinës, ku Krasniqi që do të shndërronte në gol një penallti të fituar dhe Kryeziu do të realizonte dopietën personale në këtë përballje, duke i dërguar shifrat finale në 3-0, me Prishtinën që tashmë e gjen veten me 24 pikë në vendin e pestë të renditjes së përgjithshme, ndërsa Ulpiana mbetet në vendin e shtatë me 17 pikë.
Discussion about this post